Seinni hluta ágústmánaðar blæs Edinborgarhúsið til glæsilegrar jazzdagskrár. Fram koma þrjár hljómsveitir sem allar eiga það sameiginlegt að koma einnig fram á Jazzhátíð Reykjavíkur sem fram fer í mánuðinum.

Í tilefni af útkoma þriðju sólóplötu Ife Tolentino leggur hann ásamt Óskari Guðjónssyni land undir fót í lok júní. Á dagskránni eru frumsamin lög af plötunum ásamt minna þekktum klassískum meistarverkum síðustu aldar í nýjum búningi.

Tónlistarhátíðin Við Djúpið stendur yfir á Ísafirði dagana 17. til 21. júní. Edinborgarhúsið er samstarfsaðili hátíðarinnar og verða þrennir hádegistónleikar í Bryggjusal dagana 19.-21. júní.

Miðvikudaginn 10. maí kl. 14:30-15:30, verður opnun sýningar í Edinborgarhúsinu á lokaverkefnum nemenda í áfanganum formfræði og fjarvídd við Menntaskólann á Ísafirði.

Katrín Björk Guðjónsdóttir opnar sýningu á verkum sínum í Edinborgarhúsinu og Edinborg Bistro, laugardaginn 1. apríl kl. 15:00 í tilefni af þrítugsafmæli sínu.

Hljómsveitin ADHD heldur tónleika í Edinborgarhúsinu, þriðjudaginn 11. apríl kl. 20:30. Þriðjudagur eftir páska er mögulega þreyttasti dagur ársins á Ísafirði eftir skíðaviku og Aldrei fór ég suður. En þá er upplagt að lyfta sér upp með ADHD. Tilvalið fyrir eftirlegukindur, þreytta og þunna að skella sér á tónleika.

Um páskana verður barnasýningin Manndýr eftir Aude Busson sett upp í Edinborgarhúsinu. Verkið var frumsýnt í Tjarnarbíó í mars 2022 og er nú sett upp á Ísafirði. Tvær sýningar verða í boði, á Skírdag 6. apríl kl. 16:00 og á föstudaginn langa, 7. apríl kl. 11:00. Sýningin hentar vel fyrir börn frá 3 ára aldri og upp úr.

Við keyrum upp stuðið fyrir páskana á Ísafirði með 70's og 80's rokkveislu á skírdag 6. apríl í Edinborgarhúsinu. Við ráðumst ekki á garðinn þar sem hann er lægstur, því flutt verða lög eftir Deep Purple, Whitesnake, Boston, Eagles, Toto, Kansas og Rainbow ásamt fleirum. Rokkveislan er tileinkuð minningu Magnúsar Hávarðarsonar, gítarleikara frá Bolungarvík, sem átti hugmyndina að tónleikunum.

Miðasala á Tix.is.

Húsið opnar kl. 20:00 og tónleikarnir hefjast kl. 21:00. Miðaverð er 4.500 kr.

Söngleikurinn Rocky Horror í uppsetningu Leikfélags Menntaskólans á Ísafirði verður frumsýndur 10.mars í Edinborgarhúsinu.