Heimsfrumsýning á leikverkinu Dead Air í Edinborgarhúsinu á Ísafirði. Glænýtt verk eftir Álfrúnu Gísladóttur. 

Hljóðlistamaðurinn Tristan Visser hefur heillast af söng búrhvalsins. Þessi hvalategund er þekkt fyrir spuna- og djasslíkar raddbeitingar sínar. Með þann innblástur í farteskinu, að þótt hnúfubakar séu „klassískir tónlistarmenn“ hafsins, þá séu búrhvalirnir „djasslistamenn djúpsins“, lagði Tristan upp í ferð til að fanga tónlist þeirra.

Í félagi við kvikmyndagerðarmanninn Jeroen van de Bovenkamp fór Tristan af stað í metnaðarfullan leiðangur um borð í seglskipinu Mae West undir stjórn hollenska landkönnuðarins André Speet. Leiðangurinn sigldi hina goðsagnakenndu Norðvesturleið frá Grænlandi til Alaska. Í tvo mánuði á hafi úti elta þeir draum á sjóndeildarhringnum – norðurskautasýn, bæði í bókstaflegum og táknrænum skilningi. Þessi sýn verður að táknmynd fyrir leitina að einhverju fögru sem er alltaf rétt utan seilingar.

Ferðin mótast af breytilegu ljósi, hreyfanlegum ís og óvæntum kynnum, sérstaklega við inúíta og hefðbundna tónlistarmenn sem veita nýja sýn á það hvernig hægt er að hlusta á heim norðurslóða. Þegar líður á leiðangurinn verður ljóst að draumurinn snýst ekki aðeins um söng búrhvalsins, heldur einnig um þau mannlegu tengsl sem myndast á leiðinni.

Í sérstakri kynningaruppsetningu er Arctic Mirage – Echo from the North sýnd ásamt lifandi tónlistarflutningi eftir Tristan, þar sem vettvangsupptökur, hvalasöngur og lifandi hljóðfæri sameinast í sjónræna og hljóðræna upplifun.

Miðaverð: 3.000 kr.

Miðasala fer fram á Glaze.

Velkomin á opnun sýningarinnar „Tilfinningaleg staðartengsl – Söfn fólks á Vestfjörðum“ kl. 15:00 sunnudaginn 18. maí í Bryggjusal.

Námskeið í hlaðvarpsgerð fyrir skapandi ungmenni til að læra undirstöðuatriðin í útvarps- og hlaðvarpsframleiðslu. Á námskeiðinu kynnast þátttakendur ólíkum gerðum hlaðvarpa, viðtalstækni og handritsgerð, auk þess sem þeir fá hagnýta reynslu af upptökum og klippingu. Á námskeiðinu þróa þátttakendur sínar eigin hugmyndir og vinna að stuttu innslagi með aðstoð leiðbeinenda.

Námskeið í hlaðvarpsgerð fyrir elsta stig grunnskóla (8.-10. bekk) fer fram í Edinborgarhúsinu í tengslum við Púkann barnamenningarhátíð. Námskeiðið skiptist í tvennt, dagana 31. mars og 1. apríl kl. 17:00 - 19:00 og svo 15. apríl 17:00-19:00. Þar á milli vinna krakkarnir sjálfstætt að handritsgerð og efnissöfnun.

Hámarksfjöldi þátttakenda eru 12 ungmenni. 

Skráningareyðublað.

Leiðbeinandi:
Halla Ólafsdóttir starfaði sem fréttakona á Ísafirði fyrir fréttastofu RÚV á árunum 2015-2019. Síðan þá hefur hún verið sjálfstætt starfandi dagskrárgerðarkona og meðal annars sinnt fjölmörgum verkefnum fyrir dagskrá Rásar 1 og sjónvarps. Dæmi um útvarpsseríur sem Halla hefur gert eru Hyldýpi (2019), Ljósufjöll (2020), Leitin ( 2022) og Tungudalur (2024).

Hlaðvarpið Draugar fortíðar sem stjórnað er af þeim Baldri Ragnarssyni og Flosa Þorgeirssyni hefur vakið mikla athygli og notið gífurlegra vinsælda. Þeir félagar taka fyrir ýmis mál úr mannkynssögunni og nálgast það úr ýmsum áttum á skemmtilegan og lifandi en umfram allt, fræðandi máta. Ekki síst hefur umræða þeirra um geðræn vandamál og andlega heilsu stuðlað að því að þeir eiga dyggan hóp hlustenda.

Draugarnir munu fara víðreist um landið í janúar og heimsækja vel valda staði í öllum landshlutum. Slegið verður upp einstökum Draugar fortíðar kvöldum og munu gestir verða þátttakendur í dagskránni og mögulega enda í sérstökum Draugar fortíðar þætti.

Dagskráin mun skiptast í tvo hluta. Eitt umfjöllunarefnið er flutt á öllum viðkomustöðum en hitt verður staðbundið, þ.e.a.s. umfjöllunarefnið mun snerta sögu og menningu þess staðar sem heimsóttur er. Hvert sem umfjöllunar efnið verður munu þeir Flosi og Baldur kryfja til mergjar á sinn einstaka máta.

VIÐKOMUSTAÐIR

20/01 – SELFOSS | SVIÐIÐ

21/01 – REYKJANESBÆR | HLJÓMAHÖLL

22/01 – EGILSSTAÐIR | SLÁTURHÚSIÐ

23/01 – AKUREYRI | GRÆNI HATTURINN

24/01 – AKRANES | BÍÓHÖLLIN

25/01 – ÍSAFJÖRÐUR | EDINBORGARHÚSIÐ

26/01 -  REYKJAVÍK | IÐNÓ

Miðasala

 Heimur bókanna opnast

Hallgrímur Helgason er margverðlaunaður metsöluhöfundur sem fangað hefur hug og hjörtu þjóðarinnar með verkum sínum um fólkið í sjávarþorpinu Segulfirði í bókum sínum Sextíu kíló af sólskini, Sextíu kíló af kjaftshöggum og þriðju bókinni, Sextíu kíló af sunnudögum sem væntanleg er nú í haust.

Hallgrímur er kunnur sögumaður og hefur haldið gríðarlega vinsæl námskeið þar sem hann opnar bækurnar upp á gátt fyrir lesendum sínum og nú gerir hann gott betur og býður gestum til sætis í Edinborgarhúsinu á Ísafirði. Á sviðinu rekur hann frásögnina í gegnum skáldsögurnar af alkunnri list, les upp úr bókunum, lyftir hulunni af vinnuferlinu, baksögunum og innblæstrinum og gæðir persónur sínar lífi sem aldrei fyrr. Sýningin er unnin í samvinnu við Borgarleikhúsið.

Miðasala