Ljóðabókin Fimm ljóð kom út á dögunum og af því tilefni heldur Eiríkur Örn Norðdahl útgáfuhóf og upplestur í Bryggjusal Edinborgarhússins.

 

Hófið fer fram föstudaginn 14. mars klukkan 17.

 

Bókin verður á tilboðsverði – auk fleiri bóka höfundar.

 

Um bókina frá Forlagi:

Fimm ljóð úr smiðju verðlaunahöfundarins, Ísfirðingsins og nýhil-skáldsins Eiríks Arnar Norðdahl. Hér tekst skáldið á við nærumhverfi sitt síðustu fjörutíu ár; borgir og náttúru, sjoppur og pylsur, föðurhlutverkið og tímann.