Ólíkindatólið Tom Waits er að verða 75 ára í desember. Af því tilefni ætla nokkrir valinkunnir vestfirskir listamenn að koma saman og flytja nokkur laga hans á sönglagaskemmtun í Edinborgarhúsinu laugardaginn 23. nóvember. Leikin verða lög frá öllum ferlinum – úr ótrúlega fjölbreyttum hljóðheimi Waits, sem spannar allt frá utangarðsmannablús yfir í suðræna dansmúsík, frá hátimbraðri leikhúsmúsík yfir í fönkskotið industrial noise, frá syngjandi sveiflum yfir í rómantískar píanóballöður og allt þar á milli.