Samband English
Ingi Björn Guðnason Ingi Björn Guðnason | þriðjudagurinn 3. maí 2022

Þjóðlagatríó Ásgeirs Ásgeirssonar

Þjóðlagatríó Ásgeirs Ásgeirssonar heldur tónleika í Edinborgarhúsinu föstudaginn 6. maí kl. 20:00. Tríóið mun leika íslensk þjóðlög í útsetningum Ásgeirs. 

Meira
Ingi Björn Guðnason Ingi Björn Guðnason | þriðjudagurinn 26. apríl 2022

Þjóðleikhúsið sýnir Prinsinn

Þriðjudaginn 3. maí sýnir Þjóðleikhúsið, í samstarfi við Frystiklefann á Rifi, nýtt íslenskt leikrit, Prinsinn, í Edinborgarhúsinu. Verkið er eftir þau Maríu Reyndal og Kára Viðarsson og byggir á sönnum atburðum.

Sýningin hefst kl. 20:00 og er miðasala í fullum gangi á vefnum leikhus.is.

Verkið er byggt á reynslu Kára sem horfðist í augu við það sautján ára gamall að eiga von á barni. En hversu áreiðanlegt vitni er maður í sinni eigin sögu? Er hægt að muna hlutina rétt? María Reyndal leikstýrir verkinu, en auk Kára leika þau Sverrir Þór Sverrisson (Sveppi), Sólveig Guðmundsdóttir og Birna Pétursdóttir í sýningunni. Frumsýnt verður á Rifi og í framhaldinu verður sýnt víða um land.

Prinsinn er alveg örugglega langbesta sjoppan undir Jökli, og það er þar sem hlutirnir gerast, að nóttu sem degi – sérstaklega ef maður vinnur í sjoppunni og er með lyklana!

Í verkinu kynnumst við manni á fertugsaldri sem bíður í ofvæni eftir því að barn hans komi í heiminn. Eftirvænting og kvíði takast á í huga hans, og atburðir sem áttu sér stað tveimur áratugum fyrr fara að sækja á hann: 17 ára menntaskólastrákur er staddur á Laugaveginum ásamt vini sínum þegar síminn hringir. Sæta stelpan sem vinnur á Prinsinum er í símanum. „Ég er ólétt. Þú ert að verða pabbi.“ Hvernig getur maður orðið pabbi sautján ára, og mamman bara sextán? Er framtíðin í rúst?

Hjartnæmt og fyndið nýtt íslenskt leikrit, sem talar beint til okkar.

Höfundar

María Reyndal og Kári Viðarsson

Leikstjóri

María Reyndal

Leikmynd

Guðný Hrund Sigurðardóttir og Egill Ingibergsson

Búningar

Guðný Hrund Sigurðardóttir

Tónlist

Úlfur Eldjárn

Hljóðhönnun

Úlfur Eldjárn

Ásta Jónína Arnardóttir

Lýsing

Jóhann Friðrik Ágústsson


Nánar um sýninguna:

https://leikhusid.is/syningar/prinsinn/

Leikferð um landið

Alls verður Prinsinn sýndur á sjö stöðum víðs vegar um landið áður en sýningar hefjast í Þjóðleikhúsinu í haust. Miðasala er í fullum gangi á leikhusid.is.

Ingi Björn Guðnason Ingi Björn Guðnason | þriðjudagurinn 29. mars 2022

Tónsaga í Edinborgarhúsinu

Það má segja að fjölbreytni sé ráðandi í viðburðinum sem fram fer 2. apríl kl. 17.00 í Edinborgarhúsinu.
Auk Kolbeins Jóns Ketilssonar söngvara og Matthildar Önnu Gísladóttur sem leika mun með honum á píanó, verða flutt 2 stutt dansverk eftir Láru Stefánsdóttur þar sem Marinó Máni Mabazza mun dansa.

 


Meira
Ingi Björn Guðnason Ingi Björn Guðnason | sunnudagurinn 13. mars 2022

Fyrirlestur um Gervigreind - Leiksýning

Leiksýningin Fyrirlestur um Gervigreind verður sett upp í Edinborgarhúsinu í mars. Tvær sýningar eru í boði laugardginn 26. mars, kl. 18:00 og 20:00.


Meira
Ingi Björn Guðnason Ingi Björn Guðnason | mánudagurinn 22. nóvember 2021

Opin bók í Edinborgarhúsinu

Laugardaginn 27. nóvember verður bókmenntavakan Opin bók haldin í Edinborgarsal Edinborgarhússins. Í eðlilegu árferði hafa mætt vel rúmlega 100 manns á upplestrardagskrá Opinnar bókar. Í ár ætlum við að halda okkar striki en getum við því miður ekki tekið á móti nema 50 manns, vegna samkomutakmarkana og verða þeir allir að vera skráðir.


Meira
Jón Sigurpálsson Jón Sigurpálsson | mánudagurinn 18. október 2021

Rannveig Jónsdóttir sýnir Vá

Háskaleikur fylgir lífinu með snjóflóðavá. Ótal flóð falla á ári hverju en oftast valda þau engu tjóni, spennan er þó ávallt til staðar og möguleikinn á að váin breytist í hamfarir.

Rannveig Jónsdóttir (f. 1992), býr og starfar á Ísafirði. Rannveig leggur áherslu á hljóð, skúlptúr og texta/frásögn í verkum sínum. Hún skapar innsetningar sínar út frá samtali rannsókna og skáldskapar þar sem hún veltir fyrir sér mannlegum raunum, með sérstakan áhuga á tilhneigingu mannsins til að taka stjórn á hverfulleikanum sem oftar en ekki endar í kómískri uppgjöf. 

Rannveig lauk námi frá sjónlistardeild Myndlistarskóla Reykjavíkur (2014), síðar BA námi frá Listaháskóla Íslands (2017) og MFA námi frá Listaháskólanum í Malmö (2019) þar sem hún hlaut styrk Edstrandska Foundation fyrir útskriftarverkefni sitt. Rannveig hefur tekið þátt í sýningum bæði hér á landi og erlendis.  

Jón Sigurpálsson Jón Sigurpálsson | mánudagurinn 18. október 2021

Lög úr ýmsum áttum á veturnóttum í Rögvaldarsal

Sigrún Pálmadóttir, sópran, Bergþór Pálsson, barítón og Margrét Gunnarsdóttir píanóleikari flytja létt lög úr ýmsum áttum föstudaginn 22. október kl. 12:00 í Rögnvaldarsal. Aðgangur ókeypis.

Jón Sigurpálsson Jón Sigurpálsson | föstudagurinn 8. október 2021

Ari Eldjárn prófar nýtt grín

Ari Eldjárn leggur land undir fót í fyrsta skipti í tvö ár, verður á Ísafirði og stendur þar fyrir skemmtilegri og tilraunakenndri uppistandssýningu þar sem hann prófar nýtt grín. Sýningin varir í um klukkustund þar sem Ari fer á flug með áður óbirt efni.

Sumt verður lesið af blöðum, annað samið á staðnum og brandaranir ýmist fyndnir eða ekki. Hér er um að ræða einstakt tækifæri til að reka augun inn á verkstæðið og sjá hvernig uppistand verður til og slípast.

Hver og ein sýning er einstök. Áheyrendur upplifa atriði sem ekki verða endurtekin en sjá líka frumdrög að stærri atriðum sem verða flutt í sýningum á borð við Áramótaskopið.

Missið ekki af áhugaverðri tilraun þar sem allt fær að fljúga!

Verð kr. 3.900,-

Miðasala á Tix.is

Jón Sigurpálsson Jón Sigurpálsson | mánudagurinn 20. september 2021

Kosningasýning Kristjáns Guðmundssonar

Kristján Guðmundsson

Laugardaginn 25. september 2021, sama dag og kosið verður til alþingis, opnar Kristján Guðmundsson sýningu í Gallerí Úthverfu í samvinnu við Slunkaríki á Ísafirði.  Kristján opnaði fyrst sýningu í Slunkaríki á kosningadegi árið 1987 og síðan þá hefur skapast hefð fyrir því að listamaðurinn komi vestur með sýningu þegar kosið er til alþingis.

Kristján Guðmundsson (1941) hóf listferil sinn snemma á sjöunda áratug síðustu aldar.  Hann varð stofnfélagi í SÚM – hópi ungra framsækinna listamanna sem vann með nýja nálgun sem þá var að ryðja sér til rúms í myndlistinni.

Hann bjó í Hollandi á áttunda áratugnum og komst þá í nánari tengsl við þá strauma og stefnur sem voru ráðandi í listheiminum á þeim tíma.

Kristján hefur búið á Íslandi síðan 1979.  Hann er í hópi virtustu listamanna þjóðarinnar, list hans hefur verið lýst þannig að hún er bæði í takt við þær hefðir sem ráðið hafa ferðinni í vestrænni samtímalist á seinni hluta síðustu aldar og er jafnframt merkilegt innlegg í margbrotið tímabil abstrakt- og konsept-listar eftirstríðsáranna hér á landi.

Verk hans einkennast af einfaldri og formfastri framsetningu í bland við ljóðrænu þar sem iðulega bregður fyrir heimspekilegri nálgun og djúpri og ísmeygilegri kímni.

Hann var fulltrúi Íslands á Feneyjartvíæringnum 1993 og hefur hlotið fjölda viðurkenninga fyrir list sína, m.a. sænsku Carnegie verðlaunin.

Sýning Kristjáns opnar kl. 16 laugardaginn 25. september og er opin fimmtudaga-föstudaga kl. 16-18 og eftir samkomulagi.

Uppbyggingarsjóður Vestfjarða og Ísafjarðarbær styrkja rekstur Gallerís Úthverfu og Slunkaríkis.

Komin er út ný söngplata með tíu lögum sem Tómas R. Einarsson hefur gert við kvæði ýmissa skálda; Lindu Vilhjálmsdóttur, Sveinbjörns I. Baldvinssonar, Halldórs Laxness, Kristínar Svövu Tómasdóttur, Steins Steinarr, Sigfúsar Daðasonar og Ingibjargar Haraldsdóttur.  Efni ljóðanna er ást og tregi og söknuður.

Ragnhildur Gísladóttir syngur öll lögin en hljóðfæraleikarar eru auk bassaleikarans Tómasar Ómar Guðjónsson á gítar, Davíð Þór Jónsson á píanó og hammondorgel og Magnús Trygvason Elíassen á trommur og slagverk.

Tvennir útgáfutónleikar verða á Jazzhátíð Reykjavíkur 3. september í Hörpu, auk þess sem hljómsveitin heldur tónleika í Edinborgarhúsinu, Ísafirði 9. september kl. 20:30.

Titill plötunnar, Ávarp undan sænginni, er sóttur í samnefnt ljóð Kristínar Svövu Tómasdóttur: ...Er þessi dagur bæði upphaf og endir / eins og honum ber að vera / eða hlykkjast hann eftir hringveginum / eins og dagarnir á undan honum / og dagarnir á undan dögunum á undan honum...?

Miðasala á Tix.is

 

The bass player/composer Tómas R. Einarsson will release a new record in August, including compositions he has written to poems of different poets. Einarsson has released various records with singers, but here the focus is on love and melancholy. The music includes many boleros and ballads as well as some more danceable Latin tunes.

For this record Einarsson assembled a stellar cast; the singer Ragnhildur Gísladóttir, is one of the most popular Icelandic singers for the last 40 years and Ómar Guðjónsson guitar, Davíð Þór Jónsson piano and hammond organ and Magnús Trygvason Elíassen, drums and percussion, are well known from various

The title of the record, A call from under the covers, is from a poem by Kristín Svava Tómasdóttir (b. 1985).

Eldri færslur
© Edinborg Menningarmiðstöð
Merki DressUpGames