Laugardaginn 15. nóvember kl. 16:30 verður bókmenntavakan Opin bók haldin í Edinborgarsal Edinborgarhússins. Opin bók er árviss viðburður í menningarlífnu á Ísafirði þar sem rithöfundar koma fram og lesa upp úr nýútkomnum bókum sínum. Að þessu sinni má einnig gera fastlega ráð fyrir að tónlist ómi um salinn.

 

Boðið verður upp á kaffi og konfekt undir lestrinum. Bóksali frá Eymundsson mætir á svæðið.