Hljómsveitin Vök heldur tónleika í Edinborgarhúsinu föstudaginn 24. júlí næstkomandi. Húsið opnar kl. 20:00 en miðasala er hafin á Tix.is

Vök sendi frá sér sína aðra breiðskífu, „In The Dark“ í fyrra og í kjölfarið fékk hljómsveitin þrenn verðlaun á Íslensku Tónlistarverðlaununum.

Vök hefur verið áberandi í íslensku tónlistarlífi frá því að þau unnu Músíktilraunir 2013. Síðan þá hefur sveitin gefið út tvær stuttskífur (EP) og breiðskífuna, „Figure“ sem var einnig valin 'plata ársins 2017' á Íslensku Tónlistarverðlaununum.

Sveitin hefur verið á þrotlausum tónleikaferðum um allan heim undanfarin ár og er ekkert gefið undan við að fylgja á eftir nýju plötunni.

Forsala er hafin á tix.is