Samband English

Svavar Knútur tónleikar

STUND & STAÐUR

Dags: Laugardagur 23. mars 2019

Tími: 21:00

Staður: Edinborgarsalur

Verð: kr. 2.000 og frítt fyrir yngri en 18 ára

Svavar Knútur söngvaskáld heldur tónleika í sal Edinborgarhússins á Ísafirði laugardagskvöldið 23. mars næstkomandi kl. 21.00. Þar mun hann flytja lög úr ýmsum áttum, bæði úr eigin ranni og úr íslenskum sönglagaarfi.

Svavar hefur undanfarin ár getið sér gott orð bæði fyrir sína eigin tónlist og fyrir túlkun sína á sígildum íslenskum sönglögum, sem hann hefur fært niður í hið tandurhreina form söngvaskáldsins, þar sem einungis gítar og mannsrödd kljást við hina eilífu áskorun að tala til hjarta og hugar áheyrenda og spinna vef úr hinum einföldustu þráðum tónlistarinnar. Þá hefur Svavar Knútur vakið athygli fyrir stórskemmtilega sagnamennsku, sem bæði kætur og vekur fólk til umhugsunar um ýmis málefni.

Það er yfirlýst markmið Svavars Knúts að stuðla að aukinni samræðu milli kynslóða, að örva flæði menningar á báða vegu, bæði til og frá elstu og yngri kynslóða. Ennfremur að vegsama fegurðina og máttinn sem felast í einfaldleika og einlægni.

Svavar var tilnefndur til íslensku tónlistarverðlaunanna í tveimur flokkum í ár, fyrir sólóplötu sína Ahoy! Side A og í flokki söngvara ársins.

Aðgangseyrir er kr. 2.000 en ókeypis er fyrir börn upp að 18 ára aldri.





© Edinborg Menningarmiðstöð | Vefsmíði: Styx ehf. | CMS: WebSmith
Merki DressUpGames