Samband English

Sögustund - Þjóleikhúsið

STUND & STAÐUR

Dags: Mánudagur 10. september 2018

Staður: Edinborgarsalur

Verð: boðssýning fyrir leikskóla og yngstu börn grunnskóla

Þjóðleikhúsið býður börnum í elstu deildum leikskóla og yngstu börnum grunnskóla í heimsókn í leikhús með kennurum sínum til að kynnast töfraheimi leikhússins. Sýningin verður í Edinborgarsal og hafa skólastjórar leik- og grunnskóla á svæðinu fengið boð.

Að þessu sinni er það brúðumeistarinn Bernd Ogrodnik sem sýnir börnunum sjö stutta leikþætti. Handunnar trébrúður hans og heillandi töfrabrögð kalla fram eftirvæntingu og hlátur ungra leikhúsgesta.

Þjóðleikhúsið hefur allt frá upphafi lagt mikla áherslu á barnasýningar og leikhúsuppeldi með glæsilegum sýningum á Stóra sviðinu, og í gegnum tíðina hefur einnig verið boðið upp á heillandi barnasýningar á minni sviðunum. Með Sögustund vill Þjóðleikhúsið leggja sitt af mörkum til að kynna börnum heim leikhússins, því að leikhúsferðir geta veitt ungum sem öldnum mikla gleði, örvað þroska og eflt hæfileika okkar til að takast á við lífið og tilfinningar okkar.

Þjóðleikhúsið í samstarfi við Brúðuheima.


 %>  %>



© Edinborg Menningarmiðstöð | Vefsmíði: Styx ehf. | CMS: WebSmith
Merki DressUpGames