Samband English

Tungumálatöfrar 7. - 11. ágúst

STUND & STAÐUR

Dags: Mánudagur 7. ágúst 2017

Tími: 10 til 12

Staður: Edinborgarhúsið

Verð: frítt en skráning

Tungumálatöfrar er sumarnámskeið fyrir 5 - 8 ára börn á Ísafirði

Vikuna 7. – 11. ágúst fer fram sumarnámskeið fyrir öll 5 - 8 ára börn í Edinborgarhúsinu á Ísafirði. Námskeiðinu sem er opið öllum börnum á aldrinum 5 - 8 ára, er sérstaklega ætlað að örva íslenskukunnáttu þar sem íslenska er annað mál barnanna eða eitt af mörgum tungumálum. Lögð verður áhersla á að börn sem búa erlendis geti ræktað tengsl sín við Ísland og skapað tengingar við börn sem búa á Íslandi.

Dagskráin verður frá kl. 10 – 12 alla daga og hefst með söngstund sem Jóngunnar Biering Margeirsson leiðir. Myndlistarkonurnar Ólöf Dómhildur Jóhannsdóttir og Nína Ivanova leiðbeina börnunum í gegnum myndlist, leik og sögur.

Hugmyndin að verkefninu vaknaði í fyrra þegar áhugafólk um fjöltyngi fundaði á Ísafirði. Anna Hildur Hildibrandsdóttir stýrir framkvæmd þess í samstarfi við Menningarmiðstöðina Edinborg og Ísafjarðarbæ.

Námskeiðið í sumar er tilraun sem tengist hugmyndum um að stofna sumarskóla fyrir fjöltyngd börn á Ísafirði.

 





© Edinborg Menningarmiðstöð | Vefsmíði: Styx ehf. | CMS: WebSmith
Merki DressUpGames