Samband English

5Rytma dans

STUND & STAÐUR

Dags: Laugardagur 3. desember 2016

Tími: 11:30

Staður: Bryggjusalur

Verð: 2000

5Rytma tími verður kl 11:30 laugardaginn 3. desember í Bryggjusal Edinborgarhússins.

 
Hvað eru eiginlega þessir 5Rytmar og hvað mun eiga sér stað í 5Rytma tíma? Frjáls dans bundinn í form hinna 5Rytma, sem eru: Flæði, staccato, kaos, lýrík og kyrrð. Þegar þeir koma saman er talað um að dansa öldu. Kennari leiðir hópinn í gegnum tímann, svo ekki þarf að óttast að kunna ekki það sem fram fer, enda snýst það aðallega að hver og einn finni sinn eigin dans. 5Rytmarnir eru andleg leið í gegnum hreyfingu. Hreyfanleg hugleiðsla. Leið til að tengjast sjálfum okkur og gefa okkur rými til að dansa með því sem í líkamanum býr og vill birtast hverju sinni. Stund frá amstri hversdagsins, stund með sjálfum okkur og öðrum, þar sem snjalltæki eru utan seilingar og málvöðvar hvíldir andartak. Það er hægt að gera alls kyns æfingar í 5Rytmunum og misjafnt hvað er gert hverju sinni. 5Rytmarnir eru leið til að endurskapa okkur, koma okkur á óvart, svo eru þeir í sinni einföldustu mynd skemmtileg líkamsrækt, þar sem þú þarft engin dansspor önnur en þín eigin.

 

Tíminn kostar 2000 krónur og þarf að borga með peningum á staðnum eða fyrirfram með millifærslu á reikning 154-26-20475, sýna kvittun. Gott að hafa með vatnsbrúsa og vera í lagskiptum klæðnaði. Við dönsum berfætt eða í þunnbotna skóm.

Myndatökur eru ekki leyfðar.

Kennari er Anna Sigríður Ólafsdóttir sem hefur lokið kennaraþjálfun í 5Rytmnum hjá Gabrielle Roth og The Moving Center School.

 

Viðburðurinn er styrktur af Uppbyggingasjóði





© Edinborg Menningarmiðstöð | Vefsmíði: Styx ehf. | CMS: WebSmith
Merki DressUpGames